A resposta da UE á crise sanitaria e económica

• A probación dunha rede seguridade tripla, con medio billón de euros, destinados a financiar, a través de préstamos aos Estados, as medidas de protección dos traballadores (como é o caso dos ERTE)

• Plan de Recuperación para Europa: 1,8 billóns de euros divididos entre o Marco Financeiro Plurianual 21-27 e o Instrumento temporal “Next Generation EU”

Brexit

• Por terceiro ano, Galicia coordina o Grupo Operativo do Brexit, no seo da Comisión do Arco Atlántico

• Xunto ao resto de rexións atlánticas, Galicia demanda que a nova Reserva de Adaptación ao Brexit se concentre nos sectores máis perxudicados.

Transporte

• A FGE traballou estreitamente coa Dirección Xeral de Mobilidade para definir e trasladar a posición de Galicia en materia de transporte.

• De cara á revisión do regulamento da Rede Transeuropea de Transporte, a FGE incluíu as dúas demandas principais de Galicia nun documento técnico elaborado pola CPMR: a inclusión da conexión ferroviaria Vigo-Oporto na rede básica e a inclusión do porto de Vigo na rede principal.

Orzamento comunitario 2021-2027

• Galicia consegue que o Parlamento Europeo e o Comité Europeo das Rexións recollan a súa demanda nos seus posicionamentos sobre o reparto dos fondos estruturais

• A estratexia de lobby da FGE dá como resultado a inclusión dun considerando específico sobre o caso galego no regulamento xeral dos fondos estruturais 21-27

I+D+i

A posta en marcha do novo programa de I+D+i “Horizon Europe”, a promoción dos “Digital Innovation Hubs” e a nova Bauhaus son algúns dos temas que centraron a atención de GAIN en Bruxelas.

Dende a posta en marcha en 2014 da RIS3 esixida pola UE, o investimento en I+D en Galicia aumentou un terzo.

Agricultura e desenvolvemento rural

• Estreito seguimento da negociación da futura PAC e dos mecanismos de transición ata a súa posta en marcha no 2023

• Análise e seguimento das estratexias “Da granxa á mesa” e de Biodiversidade para 2030