Vicepresidente segundo e conselleiro de Economía, Empresa e Innovación

Entre os meses de outubro e decembro, a FGE organizou un total de cinco videoconferencias entre Francisco Conde, vicepresidente segundo conselleiro de Economía, Empresa e Innovación, e diversos representantes das institucións europeas co ánimo de expoñer as medidas que se están levando a cabo en Galicia en relación co Plan de Recuperación para Europa e en liña coa dobre transición verde e dixital

Conselleiro de Medio Rural

En xaneiro, o conselleiro de Medio Rural, JoséGonzález, asiste ao Consello de Ministros de Agricultura da UE en representación de todas as comunidades autónomas.

Por quinta vez quinta vez, Galicia coordina a participación autonómica no Consello en materia de agricultura.

Conselleira de Educación

FGE organizou unha ampla axenda de reunións para a conselleira de Educación, Carmen Pomar.

A conselleira presentou a celebración do II Cumio Académico e do Coñecemento entre a UE e a comunidade de Estados Latinoamericanos e Caribeños que ía celebrarse en Santiago de Compostela no mes de xuño, co obxectivo implicar ás autoridades comunitarias do cumio. A delegación recibiu o apoio varias direccións xerais da Comisión Europea.

Conselleira de Medio Ambiente, Territorio e Vivenda

Para contar a experiencia galega, a conselleira de Medio Ambiente, Territorio e Vivenda,ÁngelesVázquez, ía participar na cerimonia anual do Pacto dos Alcaldes, prevista a principios de marzo en Bruxelas, pero foi cancelada no último momento a causa da pandemia.

A Xunta é coordinadora desta iniciativa, froito do cal máis do 80% dos concellos adheríronse a ela. Na práctica isto supón que os concellos fan inventario das súas emisións e unha valoración de risco e vulnerabilidade para poder poñer en marcha un plan de acción con medidas concretas.

Conselleira de Mobilidade e Infraestruturas

Tras seren cancelados en marzo, a Conselleira de Mobilidade e Infraestruturas, Ethel Vázquez, retomou, de xeito virtual, os encontros previstos coa Comisión Europea para, por unha banda, presentar o programa de saneamento das rías galegas e, por outra, abordar os avances realizados na adaptación ao cambio climático en materia de abastecemento de auga.

A axenda incluíu reunións coa directora de Calidade de Vida na Dirección Xeral de Medio Ambiente, VerónicaManfredi, e co director xeral adxunto da Dirección Xeral de Política Rexional,NormundPoppens.